Saturday, April 08, 2006

ღ poetry ღ

Ќе се расцутат трагите од мојата крв
како кринот под бакнежот на Април,
Макар што во нив сите мисли се сакати,
и макар ти на ова да се смееш...

oOoOoOoOoOoOoOoOoOoOoOoOoOoOoOoOoOoOoOoOoOoOoOoOo

...Изутринава слегов во вените на својата крв
и оттаму го извлеков последниот атом на својата болка.
Па сега тебе ти го подарувам, без завештение,
бидејќи знам : мојава душа нема да најде засолниште,
кога со камшик е изгонета од твојата...

oOoOoOoOoOoOoOoOoOoOoOoOoOoOoOoOoOoOoOoOoOoOoOoOo

Откинувам од срцето атом на болката и ти го подарувам тебе,
за да го претвориш во Сладост...
Ах, визии, сон!
Ме следиш и овде, сенко на мојот ум, низ оваа ноќ,
додека плаче крвта во вените мои, по оние
лудо расфрлани денови со крик од Болката и Пламенитата Љубов
по две очи и две усни...
Подбивај ми се, речи ми дека сум улава.
Ах што ли можам - тоа мојата крв ме прогонува...

oOoOoOoOoOoOoOoOoOoOoOoOoOoOoOoOoOoOoOoOoOoOoOoOo

...Го земам твоето име како мое,
а затоа ти подарувам бесмртност,
кондензиран воздив по тебе.
Антологија на болката... и мое портре ако побараш...
капка крв од моето тело и душа- ја имаш веќе...
Моето идно име ме врзува засекогаш со тебе...
Прости ми или проколнувај - сеедно.
А јас се љубам, се проштевам и се заборавам...
Едно само жалам : што не ја чув смислата преку звукот
на твоите зборови...
или барем нивната трага со мастило...

oOoOoOoOoOoOoOoOoOoOoOoOoOoOoOoOoOoOoOoOoOoOoOoOo
Posted by le bitch :: 10:30 : 0 Comments:

Post a Comment

____(´*•.¸ (´*•.¸ ¸.•*´) ¸.•* )_____